Adea Pirdeni, ministre e Shtetit për Administratën Publike dhe Antikorrupsionin, shprehu angazhimin e qeverisë për të bashkëpunuar me Komisionin Europian drejt përmbushjes së kritereve të anëtarësimit në vendit në BE deri në 2030, si një objektiv madhor për Shqipërinë.

E pranishme sot në takimin e 18-të të Komisionit Parlamentar të Stabilizim-Asociimit BE-Shqipëri, ajo tha se, Shqipëria tashmë e gatshme për të arritur objektivat dhe se hapja e grup-kapitujve të parë vetëm pak ditë më parë shënoi një moment të rëndësishëm.

Kjo, vijoi Pirdeni, është dëshmi e të gjitha përpjekjeve që po bën vendi ynë për reformat e arritura dhe shërben si synim për të ecur përpara nën mbikëqyrjen e BE-së.

“Shqipëria mban me krenari të gjithë peshën si një nxitëse për integrimin në rajon”, theksoi ajo.

Ministrja shprehu angazhimin se, qeveria do të vazhdojë të punojmë për hapjen e negociatave në grup-kapitujt e tjerë dhe kjo, siç tha ajo, “do të bëhet në bashkëpunim të ngushtë me BE”.

“Do të shkojmë përtej hamendësimit duke bërë hapa që rrisin besimin në institucionet tona dhe për ta bërë vendin tonë shembull të zbatimit të ligjit”, deklaroi Pirdeni.

(ATSH)