Ministri për Evropën dhe Punët e Jashtme, Ferit Hoxha, do të presë pasditen e sotme në Tiranë ministrin e Punëve të Jashtme dhe Evropiane të Kroacisë, Gordan Grlić Radman, në kuadër të forcimit të marrëdhënieve dypalëshe mes dy vendeve.

Takimi bilateral mes dy homologëve do të zhvillohet në Ministrinë për Evropën dhe Punët e Jashtme, duke nisur nga ora 16:30.

Pas përfundimit të bisedimeve, ministrat do të mbajnë rreth orës 17:30, një deklaratë të përbashkët për shtyp.

Sipas njoftimit të zyrës së shtypit të MEPJ-së, në qendër të diskutimeve do të jenë partneriteti mes Shqipërisë dhe Kroacisë, thellimi i bashkëpunimit në fusha me interes të ndërsjellë, zhvillimet rajonale, si dhe mbështetja për perspektivën evropiane të Shqipërisë.

Burimi ATSH