Rritja e pagave të Kushtetueses, Manja: Detyrim ligjor!

Ministri i Drejtësisë tha se Gjykata Kushtetuese, është rojtare e Kushtetutës dhe është një paradhomë e Gjykatës së Strasburgut.


“Kthimi i Gjykatës Kushtetuese në majën e piramidës së pagave, është një detyrim ligjor”, tha sot ministri i Drejtësisë Ulsi Manja, gjatë fjalës së tij në Kuvend, ku po diskutohen ndryshimet ligjore në ligjin “për organizimin dhe funksionimin e Gjykatës Kushtetuese të Republikës së Shqipërisë”.

Manja tha se Gjykata Kushtetuese, është rojtare e Kushtetutës dhe është një paradhomë e Gjykatës së Strasburgut.

“Gjykata Kushtetuese ka dhënë vendime që askush nuk i ka diskutuar, në momente shumë të rëndësishme edhe për interesin kombëtar dhe ndoshta juve ju djeg kjo pjesë, sepse besoj e mbanin mend kohë më parë, vendimin që dha Gjykata Kushtetuese në lidhje me çështjen e detit dhe që sot, falë atij vendimi të Gjykatës Kushtetuese dhe shumë vendimeve të tjera që ajo Gjykatë ka marrë në interes për vendin, sigurisht e ka rritur reputacionin e kësaj gjykate”, tha Manja.

Sipas Ministrit të Drejtësisë, çështja e pagave të Gjykatës Kushtetuese është çështje e zbatimit të ligjit dhe nuk është çështje dëshire.

“Gjykata Kushtetuese ka përcjell pranë Ministrisë së Drejtësisë një propozim për ndryshime në ligjin e saj organik me qëllim rritjen e pagës së gjyqtarëve pranë kësaj gjykate, duke e vendosur atë në majën e piramidës së pagave të sistemit të drejtësisë. Kjo është e gjitha. Kjo kërkesë është shoqëruar me disa propozime për shtesa e ndryshime, me qëllim e adresimin e nevojave për rregullimin e statusit të gjyqtarit të Gjykatës Kushtetuese”, tha Manja.

Sipas tij, “reforma në drejtësi në 2016, e zhbëri sistemin piramidal të pagave që ekzistonte deri në atë moment, për shkak të nevojës akute të rindërtimit të sistemit të drejtësisë, me reformën e madhe në drejtësi që ndërmorëm në vitin 2016. Deri në atë moment Gjykata Kushtetuese qëndronte në majën e piramidës së pagave të sistemit të drejtësisë, pasi kjo gjykatë është paradhomë e Gjykatës së Strasburgut”, tha Manja.

Ministri i Drejtësisë rreshtoi dhe tre pika kryesore se përse propozohet rritja e pagave të gjyqtar%ve të Gjykatës Kushtetuese. “Së pari, Gjykata Kushtetuese ka juridiksion përfundimtar kontrolli mbi kushtetutshmërinë e vendimeve që japin gjykatat e zakonshme, apo të gjykatave të Posaçme Kundër Krimit të Organizuar dhe Korrupsioni.

Së dyti, Kushtetuta e ka veshur Gjykatën Kushtetuese me përgjegjësi ekzkluzive për kontrollin e ligjeve dhe akteve normative. Vendimet e Gjykata Kushtetuese mbi këto çështje kanë fuqi rregulluese, dhe qëndrojnë në një nivel më të lartë se ligjet në sistemin e hireakisë së normave. Vendimet kanë fuqinë e ligjit. Së treti, kryetari i Gjykata Kushtetuese është personaliteti i katërt në hireakinë protokollare pas Presidentit, kryetarit të Kuvendit dhe Kryeministrit”, tha Manja.

Manja dha detaje dhe për mënyrën e llogaritjes së pagës së gjyqtarit të Gjykatës Kushtetuese. “Paga e gjyqtarit të kushtetueses do të jetë sa 0.96 e pagës së Presidentit. Edhe paga e këtyre subjekteve, anëtarëve të Gjykatës Kushtetuese do të indeksohet sipas të njëjtave dispozita sipas ligjit të statusit të gjyqtarëve dhe prokurorëve. Kemi parashikuar që përveç pagës mujore, gjyqtari i Kushtetueses do të përftitojë një shtesë na masën 58% të pagës. Kështu vendosim Gjykatën Kushtetuese në majën e piramidës së sistemit. Është ruajtur edhe e drejta e Kryetari të Gjykata Kushtetuese, 20% më e lartë se ajo e gjyqtarit të Gjykatës Kushtetuese”, theksoi Manja.

Projektligji në fjalë, parashikon se paga e gjyqtarit të Gjykatës Kushtetuese të jetë e barabartë me pagën e Kryetarit të Gjykatës së Lartë, ndryshohet, dhe rroga tashmë bëhet sa 96 % e pagës së presidentit, plus 58 % shtesa për shkak të natyrës së veçantë të punës. Pra paga e anëtarit të Gjykatës Kushtetuese bëhet 644 mijë lekë. Ndërsa drejtuesi i Gjykatës ka 20% shtesë për shkak të pozicionit dhe paga e tij arrin 773 mijë lekë.

(Marrë nga ATSH)

CNN: “Bond Tower” – rrokaqielli i frymëzuar nga baleti së shpejti në Tiranë

Bond Tower, do të jetë një ndërtesë banimi dhe hotel 50-katëshe, i projektuar nga kompania portugeze e arkitekturës OODA

Global 360

CNN zbulon prapaskenën e tërheqjes së Biden

Vendimi përfundimtar i Presidentit Joe Biden për t’u larguar nga gara u mor në 48 orët e fundit

Diplovista

Rakipi: Bisedimet Kosovë-Serbi të përqendrohen tek njohja, jo më në çështje teknike

Kryetari i Institutit për Studime Ndërkombëtare Albert Rakipi thotë se ka ardhur koha për një qasje tjetër në dialogun mes…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Lamtumirë mjeshtër!

Tani më shumë se kurrë ka zënë vendin e tij në panteonin e letrave botërore.

Profil

Një emër i njohur i elitës intelektuale dhe politike të çerekshekullit të fundit

75-vjetori I lindjes -- Rrugëtimi i Z. Koçi Tahiri nga galeritë e Bulqizës në sallën e legjislativit shqiptar (2017-2021)

Masmedia

CNN: “Bond Tower” – rrokaqielli i frymëzuar nga baleti së shpejti në Tiranë

Bond Tower, do të jetë një ndërtesë banimi dhe hotel 50-katëshe, i projektuar nga kompania portugeze e arkitekturës OODA