Nga Dash Frashëri

Një dhuratë e çmuar nga Biblioteka e Presidencës Turke për Bibliotekën Kombëtare të Shqipërisë, në kuadër të 100-vjetorit të marrëdhënieve diplomatike midis dy vendeve.

222 tituj librash iu dhuruan sot arkivit të Bibliotekës Kombëtare, në një ceremoni kuptimplote, ku morën pjesë Ambasadori i Turqisë në Shqipëri, Tayyar Kağan Atay dhe drejtori i Bibliotekës Kombëtare, Pirro Misha, blibliotekarë, studiues të osmanishtes, diplomatë dhe gazetarë.

Librat- afërsisht 400 kopje në turqisht, shqip dhe anglisht – janë me karakter kryesisht historik, karakter letrar, por edhe libra reference për studiuesit, siç është edhe botimi i fjalorit letrar i Sami Frashërit.

“Janë libra që japin një kontribut të rëndësishëm për sallën e re që është hapur të Qendra “Sotir Kolea”, Salla e Studimeve të Orientale, ku iu ofrohet studiuesve jo vetëm shqiptarë, por dhe ndërkombëtarë”, tha Drejtori Misha.

“Është një dhuratë që bëhet në një moment të rëndësisëhm, në 100-vjetorin e marrëdhënieve diplomatike midis Turqisë dhe Shqipërisë, që përkon edhe me 100-vjetorin e themelimit të Republikës së Turqisë. Siç e dini të gjithë, marrëdhëniet midis Turqisë dhe Shqipërisë janë marrëdhënie të veçanta, lidhje shumë të forta sociale dhe shpirtërore, dhe në bazë të këtyre marrëdhënieve, Biblioteka Popullore e Presidencës së Turqisë ka vendosur t’i dhurojë Bibliotekës Kombëtare të Shqipërisë, një fond prej 200 tituj librash”, tha midis të tjerash ambasadori i Turqisë, Tayyar Kağan Atay.

Ceremonia e nënshkrimit të dhurimit përcillet me duartrokitje.

Ambasadori Atay i dhuron në mënyrë simbolike drejtorit Misha, një “paketë me libra”, midis të tjerash edhe libri i ish-kryeministrit Aleksandër Meksi mbi xhamitë në Shqipëri, të përkthyer në turqisht.

Më pas një shikim i shpejtë i librave të ekspozuar.

Drejtori i Bibliotekës Kombëtare, Pirro Misha, gjatë intervistave për televizionet e pranishme vlerëson titujt e librave të dhuruar nga ambasada turke.

“Janë libra që pasurojnë koleksionet tona, për historinë e përbashkët, historinë e Ballkanit, të Perandorisë Osmane, por pa dyshim edhe historinë e Turqisë moderne”, tha Misha.

Sigurisht, nuk mund të mungonte edhe një fotoja e ime si botues i gazetës “Tirana Diplomat” me ambasadorin turk, Tayyar Kağan Atay. Një foto e realizuar në stendën ku është ekspozuar libri kushtuar Mustafa Kemal Ataturkut, themeluesit të Turqisë Moderne.

DISA NGA LIBRAT E DHURUAR