Ambasadorja e Shqipërisë në Greqi, Luela Hajdaraga vizitoi sot stendat shqitpare në ditën e dytë të panarit Expo Food Greece 2026 në Athinë.

Ambasadorja përgëzoi përfaqësuesit e Agjencisë Shqiptare të Zhvillimit të Investimeve (AIDA) për organizimin dhe prezantimin dinjitoz të stendës shqiptare, ku po promovohen produkte tradicionale dhe cilësore shqiptare si kafe, verë, turshi dhe komposto, vaj ulliri, lëngje frutash bio si dhe bimë medicinale.

Gjatë vizitës, Hajdaraga u takua me gjashtë kompanitë shqiptare pjesëmarrëse dhe i përgëzoi për punën dhe përkushtimin në prodhimin e produkteve shqiptare me standarde të larta cilësie.

Ambasadorja i inkurajoi që të vazhdojnë të promovojnë dhe të zhvillojnë produktet shqiptare, duke konkurruar me sukses në tregjet ndërkombëtare, në të njëjtin nivel me kompanitë evropiane.

Burimi ATSH