Kryeministri Edi Rama uroi 13-vjeçaren shqiptare Kler Çaku, e cila u shpall kampione Europe në shah.

“Urime kampione. Kler Çaku, 13-vjeçarja shqiptare shpallet kampione Europe në shah, në Kampionatin e Rapidit, në Slloveni, për vajzat deri në moshën 14 vjeç”, shkroi Rama në rrjetet sociale.

13-vjeçarja Kler Çaku, u shpall kampione Europe me 7 fitore dhe 2 barazime, në kampionatin e Rapidit, në Slloveni, për vajzat deri në moshën 14-vjeçare, bëri të ditur Federata Shqiptare e Shahut.

FSHH theksoi se, “kjo fitore vjen, vetëm pak orë përpara ngjarjes së jashtëzakonshme, për sportin shqiptar. Ndërsa Shqipëria, mbledh në Durrës, yjet botërorë të shahut, Çaku i dhuron vendit të saj, një titull si kampione”.

“Kler është gjithashtu, pjesëmarrëse ne Kupën Europiane të Klubeve 2023, me ekipin Teuta. Një skuadër që premton garë të fortë, në kompeticionin më të madh sportiv europian, të vitit”, bëri të ditur FSHH.