Zv/kryeministrja, njëherësh ministre e Infrastrukturës dhe Energjisë, Belinda Balluku, në konferencën e përbashkët për shtyp me kryeministrin Edi Rama për kërkimet në Shpirag, Balluku tha se nafta e zbuluar ndodhet në një thellësi prej më shumë se mbi 6 kilometra dhe do të duhet të hapen 15 puse.

“Është zbuluar se nafta ndodhet në thellësi të sipërfaqes 6 km nën tokë dhe do të duhen të hapen mbi 15 puse. Rezervuari në kontratën e zonave dy dhe tre është i lidhur dhe për sa kohë është i lidhur shpimet e tjera do të ndodhin për të lehtësuar rrjedhjen, por e dimë që është rezervuar i lidhur” tha Balluku.

Ministrja foli dhe tre skenarët e mundshëm të SHELL për transportin nga triporti i Vlorës tek Porto Romano në Durrës.

“Aksesin e produktit në Triportin e Vlorës me aksesin e produktit në Eksit Pointin e TAP-it, në zonën e Fierit. Ata janë përgatitur për të ngritur platformën e një porti lundrues 7 km larg bregut Opsioni i tretë por që duket dhe më i pamunduri, pasi ka koston më të lartë dhe ka distancë edhe më të gjatë 120 km, aksesi nga vendburimi i Shpiragut deri në portin e ri të Porto Romanos në Durrës. Të dy opsionet e para do të merren parasysh nga kompania. Do të kërkohet dhe një përfshirje më e madhe e ministrisë së Infrastrukturës për të plotësuar kërkesat e bashkëpunimit”, theksoi ministrja.

Balluku tha se nafta e nxjerrë është e cilësisë së lartë, sipas laboratorëve në Holandë.

Më tej, zv/kryeministrja theksoi se parashikohet të punësohen më shumë se 5 mijë punonjës, një pjesë e madhe e të cilëve po trajnohen nga Akademia e Shell.

Balluku po ashtu tha se janë ngritur të gjithë instrumentet e duhur për të pasur kontroll dhe disiplinim të plotë sa i përket fushave të naftës, pordhimit dhe deklarimit nga ana e koncesionarëve. /ATSH