Qendra për Hapje dhe Dialog COD, në bashkëpunim me Akademinë Olimpike Shqiptare, AOSH dhe me mbështetjen e Komitetit Olimpik Kombëtar Shqiptar, KOKSH, zhvilloi promovimin e librit “Udhërrëfyesi Juaj Olimpik”.

Në këtë event morën pjesë: autorja e librit, Presidentja e Akademisë Olimpike të Ukrainës njëherësh dhe zv. Presidente e Akademisë Europiane prof. Maria Bulatova, Ministrja e Arsimit dhe Sportit, znj. Evis Kushi, Presidenti i Komitetit Olimpik Kombëtar Shqiptar, z. Fidel Ylli, anëtarë të Akademisë, përfaqësues të Ministrisë së Arsimit (MAS), përfaqësues të Zyrës Vendore të Arsimit Parauniversitar (ZVAP), koordinatorë të Edukimit Olimpik, mësues, nxënës dhe figura që kanë kontribuar në realizimin e misionit të Akademisë Olimpike Shqiptare në 30 vite shërbesë në Shqipëri.