Komisioneri Shtetëror i Zgjedhjeve, Ilirjan Celibashi shkëmbeu marrëveshjet e bashkëpunimit në fushën e teknologjisë zgjedhore me kryetarin e Zyrës së Administrimit Zgjedhor dhe kryeregjistruesin e Kontesë së Los Angeles, Dean Logan.

Celibashi u shpreh në rrjetet sociale se ky është një tjetër projekt madhor i KQZ-së, që do t’i mundësojë institucionit të përfitojë ekspertizën më moderne dhe më të specializuar.

Me 8 milionë zgjedhës, konteja e Los Angeles është rajoni zgjedhor më i madh i Shteteve të Bashkuara të Amerikës, ku aplikohet 100 % votimi elektronik.

Celibashi falënderoi Dean Logan për gjithë kontributin për Komisionin Qendror të Zgjedhjeve. /ATSH