Kryeministri Edi Rama mirëpriti rinovimin me dy muaj të tjerë të Iniciativës së Detit të Zi për Grurin.

Kryeministri vlerësoi rolin vendimtar të presidentit të Turqisë, Recep Tayyip Erdoğan, për rinovimin e kësaj marrëveshjeje.

“Ripërsëris përgëzimet e mia drejtuar presidentit të Republikës së Turqisë, Erdogan, për rolin e tij vendimtar. Sigurimi i furnizimit të pandërprerë dhe jetësor për tregjet botërore është i rëndësisë jetike për sigurinë ushqimore në mbarë botën”, shkruan Rama në rrjetet sociale.

Rusia dhe Ukraina kanë rënë dakord të zgjasin marrëveshjen për transportin e grurit ukrainas përmes Detit të Zi edhe për dy muaj të tjerë.

Marrëveshja është e rëndësishme pasi Ukraina është një nga eksportueset kryesore në botë të grurit.