Ekipet e vëzhguesve të zgjedhjeve të Ambasadës së SHBA janë në të gjithë vendin për të vëzhguar procesin e votimit dhe numërimit për zgjedhjet e 14 majit.

Ambasada e SHBA-së ndau sot në rrjetet sociale momente nga vëzhgimi i ekipeve vëzhguese në qendrat e votimit.

“Ekipet e Vëzhguesve të Zgjedhjeve të Ambasadës së SHBA janë në të gjithë vendin, teksa shqiptarët ushtrojnë të drejtën e tyre më themelore demokratike, të drejtën e votës. Ne nxisim shqiptarët të marrin pjesë dhe autoritetet të sigurojnë që procesi zgjedhor të jetë transparent, i lirë dhe i sigurt”, thekson ambasada e SHBA-së.

Më herët ambasadorja Kim tha se “shpresojmë që të gjithë qytetarët e Shqipërisë të ushtrojnë të drejtën e tyre themelore demokratike për të shprehur vullnetin e tyre përmes zgjedhjeve të lira dhe të ndershme”.