Ambasadorja e Delegacionit të Bashkimit Europian, në Tiranë, Christiane Hohmann, nga Elbasani ftoi qytetarët të votojnë për të zgjedhur përfaqësuesit që ata mendojnë se do të jenë përfaqësuesit e tyre për 4 vitet e ardhshme në pushtetin vendor.

“Çfarë qytetarët do të vendosin në të gjithë Shqipërinë është kush do të jenë përfaqësuesit e tyre në këshillat bashkiakë dhe ata që do të jenë kryetar bashkie, pra ata që do të përfaqësojnë ju në katër vitet e ardhshme. Ndaj , të drejtën demokratike që keni për të zgjedhur. Objektivi duhet të jetë që të zgjidhet politika më e mirë që ju mendoni që do të jetë për Elbasanin”, deklaroi ambasadorja.

E pyetur për pretendimet për presion ndaj votuesve nga ana e kandidatit të koalicionit “Bashkë Fitojmë” në Elbasan, Luciano Boçi, ambasadorja Hohmann tha se zgjedhjet po vëzhgohen nga një ekip i plotë i OSBE.

“Jam vërtet e kënaqur që OSBE vendosi të kishte edhe këtë herë në Shqipëri një ekip të plotë vëzhguesish afatgjatë, që u bë kohë që janë në Shqipëri dhe kanë ndjekur situatën ditë pas dite. Para 10 ditësh OSBE/ODIHR nxori raportin e tyre paraprak për gjetjet e deritanishme. Le të presim ditën e nesërme kur do të kemi konferencën e tyre për shtyp dhe raportin paraprak pas zgjedhjeve për të parë gjetjet e misionit të OSBE/ODIHR në Shqipëri”, deklaroi ambasadorja.