Një rast për të kujtuar se arsimi dhe shkenca janë motor i zhvillimit të shoqërisë, por ky motor e zhvillon shoqërinë, fuqizon ekonominë dhe rrit mirëqenien shumë më shpejt, nëse gratë dhe vajzat përfshihen gjerësisht në arsimin dhe kërkimin shkencor.

Arsimimi i grave dhe vajzave ka efekte të shumëfishta në arsimimin e popullsisë.

Prandaj ngushtimi i dallimeve gjinore në arsim dhe shkencë nuk është një luks për gratë dhe vajzat, por një kërkesë jetike për shoqërinë dhe vetë shkencën.

Treguesit optimistë të pjesëmarrjes së grave e vajzave shqiptare në arsim e shkencë, duhet të “përkthehen” më mirë në një cilësi më të lartë dhe impakt më të dukshëm në shoqëri.