Zëvendëskryeministrja e Shqipërisë, Belinda Balluku, njëherësh Ministre e Infrastrukturës dhe Energjisë, është takuar në Izrael me Miri Regev, Ministre e Transportit, e vetmja grua në kabinetin e ri të Kryeministrit Benjamin Netanyahu.

Sipas postimit të Ballukut, u diskutua për rëndësinë e transportit dhe për zgjidhjet inteligjente që Izraeli planifikon të aplikojë në të ardhmen.

Postimi i Zv.kryeministres Balluku

Me Miri Regev מירי רגב , Ministren e Transportit, e vetmja grua në kabinetin e ri të Kryeministrit Benjamin Netanyahu – בנימין נתניהו , e cila ka mbajtur dhe më parë disa pozicione kyçe dhe njihet si një nga figurat më të forta në Izrael. Diskutuam për rëndësinë e transportit dhe për zgjidhjet inteligjente që ??Izraeli planifikon të aplikojë në të ardhmen. ?Bashkëpunimi edhe në këtë fushë do të maksimalizohet gjatë vitit në vazhdim pasi nga të dyja qeveritë tona ekziston dëshira e mirë për tu hapur ndaj ideve të reja.