Kryetarja e Kuvendit, znj. Lindita Nikolla, priti sot Ambasadorin e Turqisë, z. Murat Ahmet Yörük.
Ambasadori Yörük i shprehu znj. Nikolla përgëzimet për zgjedhjen në detyrën e lartë dhe shprehu bindjen dhe vullnetin për forcimin e partneritetit strategjik dhe bashkëpunimit të gjithanshëm midis të dy vendeve. Ambasadori i përcolli Kryetares së Kuvendit ftesën e Kryetarit të Asamblesë së Madhe Kombëtare të Turqisë, z. Mustafa Sentop, për një vizitë zyrtare në Turqi.
Kryetarja e Kuvendit, znj. Lindita Nikolla, e falenderoi Ambasadorin Yörük për ndihmën e pakursyer të Turqisë për përballimin e pasojave të tërmetit dhe të pandemisë së Covid-19. “Turqia është një partner strategjik i Shqipërisë dhe Kuvendi do të punojë për të nxitur bashkëpunimin e gjithanshëm midis të dy vendeve në të gjitha aspektet. Bashkëpunimi i shkëlqyer parlamentar do të rritet e zgjerohet, si një shembull i bashkëpunimit midis institucioneve të të dy vendeve.”, nënvizoi znj. Nikolla.
Kryetarja e Kuvendit, znj. Lindita Nikolla, e pranoi me kënaqësi ftesën e Kryetarit Mustafa Sentop dhe vizita zyrtare në Turqi do të realizohet së shpejti
