Ministri i Ekonomisë, Kulturës dhe Inovacionit, Blendi Gonxhja, deklaroi se produktet “Made in Albania” janë tashmë të pranishme në çdo treg europian, një arritje që ka ardhur falë iniciativës së guximshme të sipërmarrësve dhe punës së palodhur të mijëra punonjësve në fasoneritë shqiptare.

“Këto biznese janë një shembull i gjallë se si përkushtimi, cilësia dhe besimi në fuqinë vendase mund të thyejnë kufijtë”, tha ai.

Ministri Gonxhja vizitoi sot kompaninë “ERI & O”, një nga bizneset që ka arritur sukses falë përkushtimit dhe cilësisë gjatë viteve.

“Jemi të vendosur t’u qëndrojmë pranë dhe t’i mbështesim ata, për të forcuar prodhimin vendas dhe për të rritur më tej markën “Made in Albania” në tregun global”, theksoi ai.

Eksportet shqiptare të mallrave kanë shënuar një rritje prej 4,7% gjatë tremujorit të parë të këtij, një zhvillim pozitiv për ekonominë e vendit.

Sipas raportit të publikuar sot nga INSTAT-i, eksportet e mallrave arritën vlerën 100 miliardë lekë.

Referuar të dhënave, rritja e eksporteve prej 4,7% tregon për një performancë më të mirë të sektorëve prodhues dhe një kërkesë më të lartë nga tregjet ndërkombëtare për mallrat “Made in Albania”.

Burimi ATSH