Koordinatori amerikan kundër korrupsionit global, Richard Nephew do të vizitojë Shqipërinë javën e ardhshme.

Nephew do të udhëtojë në Malin e Zi, Lituani dhe Shqipëri më 16-21 qershor.

Departamenti i Shtetit njofton se, vizita e tij do të nënvizojë angazhimin e vazhdueshëm të SHBA-së për të luftuar korrupsionin në Ballkanin Perëndimor, për të forcuar sundimin e ligjit dhe për të adresuar sfidat e vazhdueshme të përbashkëta.

Më 20 qershor, Koordinatori Nephew do të vizitojë Tiranën, ku do të takohet me përfaqësues të qeverisë dhe shoqërisë civile. Ai do të diskutojë për punën që po bëhet në luftën kundër korrupsionit dhe fushat për bashkëpunim të mëtejshëm në përpjekjet kundër korrupsionit, njofton DASH.

Më 16-17 qershor, Nephew do të jetë fillimisht në Podgoricë, ku gjithashtu do të takohet me përfaqësues qeveritarë dhe të shoqërisë civile.

Më 18-19 qershor ai do të jetë në Vilinus, ku do të marrë pjesë në Konferencën Ndërkombëtare Kundër Korrupsionit.