Viti i ri shkollor 2026-2027 sjell më shumë teknologji, cilësi dhe siguri në shkolla.

Sipas udhëzimit të përbashkët të Ministrisë së Arsimit dhe Ministrisë së Ekonomisë dhe Inovacionit, gjatë këtij viti do të monitorohen nga afër përdorimi i laboratorëve Smart, performanca e shkollave dhe zhvillimi profesional i mësuesve.

Në fokus do të jetë përdorimi i teknologjisë si një instrument në funksion të procesit mësimor, me synim përmirësimin e përvojës së nxënësve dhe zhvillimin e aftësive të nevojshme për të ardhmen.

Një tjetër prioritet do të jetë forcimi i zhvillimit profesional të mësuesve, përmes rritjes së kompetencave dhe mbështetjes së tyre në përballimin e kërkesave të reja të arsimit.

Një tjetër element i rëndësishëm do të jetë vlerësimi i shkollave përmes Kartës së Performancës së Shkollës, si një instrument për monitorimin dhe përmirësimin e cilësisë së arsimit.

Në fokus do të jetë gjithashtu forcimi i arsimit profesional dhe zhvillimi i programit “Pas Shkolle”, me synim krijimin e më shumë mundësive për nxënësit dhe përgatitjen e tyre për tregun e punës dhe sfidat e së ardhmes.

Siguria në shkolla mbetet gjithashtu një nga prioritetet kryesore. Masat do të përqendrohen te parandalimi i bullizmit dhe dhunës, si dhe krijimi i një mjedisi më të sigurt dhe gjithëpërfshirës për nxënësit.

Burimi ATSH