Ministri për Evropën dhe Punët e Jashtme, Igli Hasani zhvilloi sot në Bruksel, një takim me përfaqësues të diasporës shqiptare.

Hasani theksoi se, me diasporën shqiptare mund të punohet për të vënë në jetë projekte me dobi të ndërsjellë, duke i kushtuar një vëmendje gjeneratës së re për t’i afruar me rrënjët e të parëve.

Për këtë qëllim, nënvizoi Hasani, Ministria për Evropën dhe Punët e Jashtme i ka dhënë “dritë jeshile” projektit të shkollës verore “JAM SHQIPTAR”, me fokus vizitat studimore të të rinjve nga diaspora në Shqipëri, për t’u njohur me historinë, kulturën dhe gjuhën shqipe.