Ministri për Europën dhe Punët e Jashtme, Igli Hasani u shpreh sot se Shqipëria vazhdon të kryejë detyrimet dhe është gati në çdo moment për organizimin e Konferencës së Dytë Ndërqeveritare.

Në një prononcim për medie pas mbledhjes së qeverisë, Hasani u shpreh se “gjërat do të qartësohen dhe kristalizohen në javët në vazhdim”.

“Ne shpresojmë që ky fillimvit të jetë optimist, me një vrull sa më të mirë dhe të jemi gati për të krijuar mundësinë e organizimit të konferencës”, tha ai.

Hasani bëri të ditur se deri tani institucionet e BE-së janë duke riparë edhe njëherë çfarë duhet bërë.

“Shpresoj që të kemi të reja në ditët në vazhdim. Është e rëndësishme që ne të vazhdojmë atë punë të mirë e cila u përmbyll me të gjithë procesin screeening të bërë nga ekipi i qeverisë shqiptare dhe të vazhdojmë të tregojmë se sa serioz jemi dhe sa të mirëdëshiruar jemi për të plotësuar atë që ne e kemi detyrim ndaj popullit shqiptar, por edhe ndaj institucioneve europiane”, theksoi ai.