Ministri për Evropën dhe Punët e Jashtme, Igli Hasani, gjatë konferencës për shtyp të tij, renditi arritjet e diplomacisë shqiptare për 2023 dhe prioritetet për 2024.

SUKSES DIPLOMATIK

“Diplomacia shqiptare në 2023, periudhë e paprecedentë arritjesh dhe suksesesh”, thkesoi ministri.

“Në tre vitet e fundit, Shqipëria rol të dorës së parë në forumet më të larta të politikës : Mandati në Këshillin e Sigurimit, na u dha në një kohë jo të lehtë për politikën ndërkombëtare. Megjithatë ia dolëm të kemi një performancë dinjitoze e të respektuar. Falë kësaj performance, ne gëzojmë sot respektin dhe admirimin e partnerëve. Kandidaturat e Shqipërisë për KDNJ dhe UNESCO u mbështetën masivisht, rival kishim Rusinë,” tha Hasani.

Sipas tij, 2023 prodhoi një progres të ndjeshëm në procesin e integrimit europian

“Puna e Shqipërisë në këtë drejtim është vlerësuar si një model suksesi për gjithë rajonin. Shqipëria është sot gati për Konferencën e Dytë Ndërqeveritare. Negociatat me BE, presim lajme të mira në fillim të vitit 2024”, tha ministri.

FAKTORI SHQIPTAR

Hasani, e vuri theksin edhe te bashkëpunimi me faktorin shqiptar në rajon, tjetër arritje për vitin që po lëmë pas.

“Konsolidimi i mëtejshëm i bashkëpunimit me diasporën, prioritet kyç për 2024”, tha ministri i Jashtlm.

“Shqipëria krenohet me rritjen kontributit të saj në proceset rajonale. Presidencat e nismave që marrim në 2024, do të ndihmojnë në thellimin e bashkëpunimit dhe integrimin rajonal”

DIPLOMACIA EKONOMIKE

Diplomacia ekonomike, në fokus të prioriteteve të Ministrisë për Evropën dhe Punët e Jashtme për 2024.

“Shërbimi i Jashtëm do të punojë për të tërhequr sa më shumë projekte e investime. Do të punojmë për të promovuar sa më mirë mundësitë që ofron Shqipëria. Po punojmë për projektimin e rrjetit të atasheve tregtarë dhe themelimin e Këshillit të Eksporteve”.
 
Sipas ministrit, ristrukturimi i Shërbimit të Jashtëm, po ashtu një nga prioritetet për 2024.