TIKA dhuron pemë për Bashkinë e Tiranës

Të pranishëm ambasadori turk, Tayyar Kağan Atay, koordinatori i TIKA-s në Tiranë, Mustafa Ata, nënkryetari i Bashkisë së Tiranës, Andi Seferi dhe zyrtarë të tjerë


Nga Fatjon Cuka

Me rastin e 100-vjetorit të themelimit të Republikës Turke dhe 100-vjetorit të vendosjes së marrëdhënieve diplomatike mes Shqipërisë dhe Türkiyes, Agjencia Turke për Bashkëpunim dhe Koordinim (TIKA) ka dhuruar pemë për Bashkinë e Tiranës, raporton Anadolu.

Në mbjelljen e pemëve në Parkun e Liqenit të Farkës, në Njësinë Administrative Farkë të Qarkut të Tiranës, ishin të pranishëm ambasadori turk në Tiranë, Tayyar Kağan Atay, koordinatori i TIKA-s në Tiranë, Mustafa Ata, nënkryetari i Bashkisë së Tiranës, Andi Seferi, si dhe zyrtarë të tjerë.

Në një deklaratë për Anadolu, ambasadori Atay u shpreh viti 2023 është një vit shumë i veçantë për Shqipërinë dhe Türkiyen.

“2023 është një vit i veçantë për shkak se festojmë 100-vjetorin e themelimit të Republikës së Türkiyes dhe vendosjes së marrëdhënieve diplomatike midis Shqipërisë dhe Türkiyes. Më 15 dhjetor 1923, dy republikat e reja, si ajo e Türkiyes dhe e Shqipërisë firmosën marrëveshjen e miqësisë dhe vendosën marrëdhënie diplomatike ndërmjet tyre”, u shpreh Atay.

Atay theksoi se me Bashkinë e Tiranës kanë një bashkëpunim shumë të mirë dhe shtoi se me mbështetjen e TIKA-s vendosën që të mbjellin 290 pemë si shenjë e miqësisë 100-vjeçare mes dy vendeve. “Këto pemë janë një dhuratë për brezat e ardhshëm dhe për rininë shqiptare”, theksoi Atay.

Për Anadolu, Seferi theksoi se pemët janë në shenjë të 100-vjetorit të miqësisë midis Shqipërisë dhe Türkiyes dhe sipas tij po kontribuojnë për të bërë këtë park shumë më të bukur.

“Do doja të falënderoja ambasadorin e Türkiyes në Shqipëri. Do doja të falënderoja edhe përfaqësuesin e TIKA-s për ndihmën konstante që i kanë dhënë Bashkisë së Tiranës edhe në nisma të tjera, qoftë për gjelbërimin, por qoftë në shumë nisma në lidhje me zhvillimin e Tiranës”, u shpreh Seferi.

Pemët e dhuruara nga TIKA janë të llojeve të ndryshme si rrap, kumbull e kuqe, qershi japoneze, man, manjola dhe tjera.

(Anadoly Agency)

AdvanceGov 2026 në SHBA, AKSHI paraqet përvojën në transformimin digjital dhe përdorimin e IA-së

Zëvendësdrejtoresha e Përgjithshme e Agjencisë Kombëtare të Shoqërisë së Informacionit, Romina Kostani mori pjesë si folëse në AdvanceGov 2026, organizuar…

Global 360

Arabia Saudite e para në botë për shërbimet qeveritare digjitale, përmbush objektivin e Vizionit 2030

Mbretëria renditet e para mes 194 vendeve dhe territoreve të vlerësuara nga OKB-ja për shërbimet qeveritare online dhe ngjitet në…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Liria e besimit nuk mbrohet vetë

Nga kujtesa e Hafiz Sabri Koçit te përgjegjësia për të ndërtuar institucione

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Kinë-Shqipëri, forum për bashkëpunim mediatik

Forumi u organizua nga Ambasada e Republikës Popullore të Kinës në Shqipëri dhe Agjencia e Lajmeve Xinhua, me Argumentum.al si…