Nga Akeksandër Çipa, poet

Njē vit më parē, më 18 shkurt 2022, u nda nga jeta poeti i njohur Bardhyl Londo, ish-kryetar i Lidhjes së Shkrimtarëve të Shqipërisë. Ish-kryeredaktor i gazetës letrare “Drita”.

Krijmtaria e tij letrare përfshin tetë vëllime me poezi si edhe disa romane.

Është fitues i çmimit “Migjeni” më 1988 për vëllimin Si ta qetësoj detin si dhe çmimin kombëtar me vëllimin poetik “Prill i hidhur”.

Është tek një gur ndanë Vjosës
Poetit Bardhyl Londo

***

Ku jeta është e shkurtër dhe vdekja pakufi,
Ka për atdhe poeti, shtratin e përjetshëm.
Lumi antik Aos, me të ardhmen si jetëgjatësi,
Ndanë tij rrjedh,… poeti i paprekshëm.
Bardhyl, gur i sotshëm ndanë Vjosës,
Që veç jeton rrjedhshëm.
Aed i kohshëm poezie që shton jetën,
kah e ardhmja si i hershëm!
Një kostum kësaj kohe ia bëni me porosi,
Tek fjalët e Ustait që rron në pakohësi.
P.S: Foto nga Arben Bllaci.