Përfaqësuesi i UNICEF Shqipëri, Murat Sahin, zhvilloi një takim me Presidentin e FSHF, Armand Duka, ku u diskutua mbi zgjerimin e bashkëpunimit mes dy institucioneve për të krijuar më shumë mundësi për fëmijët dhe të rinjtë përmes sportit.

Gjatë takimit u diskutua edhe mbi rolin e sportit në promovimin e mirëqenies, zhvillimit dhe përfshirjes së fëmijëve dhe të rinjve, si dhe mbi mundësitë për iniciativa të përbashkëta me përfitime konkrete për ta.

UNICEF Shqipëri dhe FSHF do të vijojnë dialogun për të identifikuar fusha të reja bashkëpunimi dhe për të shfrytëzuar fuqinë e sportit për zhvillim, përfshirje dhe mundësi të barabarta për çdo fëmijë dhe të ri.