Ministria për Evropën dhe Punët e Jashtme ka reaguar lidhur me armëpushimin 10-ditor të shpallur mes Izraelit dhe Libant, të ndërmjetësuar nga presidenti i Shteteve të Bashkuara të Amerikës, Donald Trump.

Në reagimin thuhet se, Shqipëria e mirëpret këtë zhvillim si një hap konstruktiv dhe të nevojshëm drejt uljes së tensioneve në rajon, si dhe për parandalimin e humbjeve të mëtejshme të jetëve njerëzore.

Ministria thekson rëndësinë e respektimit të plotë të armëpushimit nga të gjitha palët e përfshira.

Në mënyrë të veçantë, ajo nënvizon se Hezbollah duhet të ndërpresë çdo veprim armiqësor ndaj Izraelit dhe të veprojë në përputhje me vendimet dhe autoritetin e qeverisë libaneze.

Autoritetet shqiptare shprehin gjithashtu shpresën se ky armëpushim do të krijojë kushte të favorshme për një dialog kuptimplotë mes palëve, duke kontribuar në një ulje më të qëndrueshme dhe gjithëpërfshirëse të tensioneve.

Shqipëria inkurajon të gjitha palët e përfshira, si dhe partnerët ndërkombëtarë, që të ndërtojnë mbi këtë moment dhe të bashkëpunojnë në mënyrë të koordinuar për arritjen e një paqeje të sigurt dhe afatgjatë në rajon.

Burimi ATSH