Ministria për Evropën dhe Punët e Jashtme e Shqipërisë përgëzoi kryeministri e zgjedhur të Hungarisë, Péter Magyar dhe Partinë Tisza, për fitoren në zgjedhjet e përgjithshme dhe për mandatin e fortë që u është besuar nga populli hungarez.

MEPJ nënvizoi se “ne presim që të vazhdojmë bashkëpunimin tonë të ngushtë për të forcuar më tej marrëdhëniet e shkëlqyera dhe miqësinë e sinqertë midis dy vendeve dhe popujve tanë, dhe për të thelluar dialogun dhe partneritetin tonë, duke përfshirë përkrahjen e rrugës së anëtarësimit të Shqipërisë në BE, për të cilën Hungaria ka qenë një mbështetëse e palëkundur, si dhe kontributin tonë të përbashkët për paqen, stabilitetin dhe prosperitetin në të gjithë Evropën”.

Peter Magyar fitoi zgjedhjet parlamentare hungareze, të cilat shënuan fundin e kryeministrit Viktor Orban, i cili ishte në pushtet prej 16 vitesh.

/Burimi ATSH