Ambasadori i Italisë në Shqipëri, Marco Alberti, zhvilloi një takim me studentët dhe profesorët e Universitetit të Sporteve në Tiranë, me ftesë të Rektorit, Prof. Dr. Asllan Kasa.

POSTIMI I AMBASADËS ITALIANE

🇦🇱🤝🇮🇹 Një takim i bukur me studentët dhe profesorët e Universitetit të Sporteve në Tiranë!

Mbi 2000 studentë, 200 profesorë, studiues dhe një kampus i një niveli të lartë.

Sporti na mëson të konkurrojmë në jetë duke respektuar veten dhe kundërshtarin. Në një botë plot tensione dhe konflikte, na mëson dallimin mes “kundërshtarit” dhe “armikut”, mes talentit dhe punës së palodhur; ndjenjën e sakrificës dhe rëndësinë e objektivave.

Të gjithë duan të fitojnë: sporti na mëson si ta bëjmë këtë, por edhe si të humbasim, të rrëzohemi, të ngrihemi dhe të rikthehemi në garë.

Kur është i shëndetshëm, sporti na ndihmon të bëhemi versioni më i mirë i vetes.

Faleminderit Rektorit, Prof. Agron Kasa, dhe të gjithë organizatorëve të këtij takimi! 🏃‍♂️