Ministri i Shtetit për Pushtetin Vendor, Ervin Demo, deklaroi sot se Akademia e Pushtetit Vendor ndodhet në fazën përfundimtare të ngritjes dhe se këto ditë do të zgjidhet edhe kreu i saj.

Gjatë një konference për shtyp, Demo tha se procesi i përzgjedhjes po zhvillohet në bashkëpunim me shoqatat e bashkive dhe qarqeve, pjesë e komisionit që do të përcaktojë drejtuesin e Akademisë së Pushtetit Vendor.

Ai nënvizoi se brenda muajit mars do të finalizohet e gjithë struktura e re, e cila do të jetë më pas e fokusuar te sfidat dhe nevojat e pushtetit vendor.

Sipas ministrit, pas shpalljes publike të vakancës, kanë aplikuar 22 kandidatë.

“Procesi i përzgjedhjes do të jetë transparent dhe në bashkëpunim me partnerët e tjerë institucionalë”, deklaroi Demo.

Marrë nga ATSH