Trashëgimia kulturore e Shqipërisë vazhdon të tërheqë një numër gjithnjë në rritje vizitorësh vendas dhe të huaj.

Ministri i Turizmit, Kulturës dhe Sportit, Blendi Gonxhja, u shpreh sot se trashëgimia kulturore vjen edhe si katalizator zhvillimi.

Në një analizë krahasuese të vendimmarrjeve të Këshillit Kombëtar të Trashëgimisë Kulturore Materiale (KKTKM), dhe Këshillit Teknik (KT), Gonxhja tha se krahasuar me të njëjtën periudhë të tri viteve më parë, janë marrë nga 111 në 153 vendime, +38% më shumë.

Sipas Gonxhes, nga viti 2024 deri 2025, janë marrë nga 567 në 668 vendime, +17.8% më shumë.

Ndërsa, nga viti 2018 deri 2025 janë marrë nga 529 në 668 vendime, +26.3% më shumë.

Ministri Gonxhja tha se nga viti 2013 deri në 2025 janë marrë nga 30 në 668 vendime, +2126% më shumë.

“Çdo ndërhyrje restauruese, konservuese, mirëmbajtëse apo rijetëzuese, sjell investime, nxit punësim dhe rrit potencialin turistik, duke e kthyer trashëgiminë në një aset aktiv që gjeneron vlerë për komunitetin dhe ekonominë”, tha Gonxhja.

Burimi ATSH