Kina po kërkon të forcojë bazën ligjore për avancimin e zhvillimit me cilësi të lartë dhe prosperitetit të përbashkët midis 56 grupeve etnike, me një projektligj mbi nxitjen e unitetit etnik dhe progresit, të paraqitur ligjvënësve kombëtarë për shqyrtim në sesionin vjetor që po zhvillohet në Pekin.

Drafti iu paraqit sesionit të katërt të legjislaturës së 14-të të Asamblesë Kombëtare Popullore (AKP), legjislaturës më të lartë të vendit, për një lexim të tretë.

Ligji synon nxitjen e një ndjenje të fortë komuniteti për kombin kinez , tha Li Hongzhong, nënkryetar i Komitetit të Përhershëm të AKP, në shpjegimet e tij mbi projektligjin.

Deputetë të pakicave kombëtare kineze që marrin pjesë në sesionin vjetor ligjvënës, mars 2026, Pekin/Foto nga VCG

Dokumenti ligjor artikulon mbështetjen shtetërore ndaj zhvillimit me cilësi të lartë të zonave me popullsi etnike, si edhe ndaj promovimit të prosperitetit të përbashkët midis grupeve etnike, tha Li. Ai shtoi se ndër të tjera janë përcaktuar dispozita specifike për ndërtimin e infrastrukturës, zhvillimin industrial, shërbimet publike dhe mbrojtjen e burimeve natyrore.

Komunitete të shumta etnike banojnë në zonat malore, rajonet e largëta ose pjesë të tjera historikisht të pazhvilluara të Kinës. Falë investimeve të mëdha qeveritare, fushatave mbarëkombëtare për uljen e varfërisë dhe nxitjen e modernizimit, këto rajone kanë regjistruar një zhvillim të shpejtë ekonomik dhe shoqëror.

Rajoni Autonom Xizang në Kinën Jugperëndimore, për shembull, në vitin 2012 udhëhoqi gjithë vendin në fillimin e ofrimit të arsimit 15-vjeçar publikisht të financuar, nga kopshti deri në shkollën e mesme. Shkollimi 15-vjeçar falas ka qenë gjithashtu i disponueshëm në katër prefektura jugore në Rajonin Autonom Xinjiang-Ujgur, në Kinën Veriperëndimore.

Banorë në Xinjiang nga grupe të ndryshme etnike në një takim miqësor, tetor 2026/Foto nga VCG

Ligjvënësit kanë pritshmëri që ligji do të sjellë një vrull të ri në rajonet e pakicave etnike, duke ofruar garanci ligjore për unitetin dhe progresin e tyre.

“Kjo do ta kthejë zhvillimin e rajoneve etnike në një përgjegjësi statutore, e cila do të sigurojë mbështetje institucionale afatgjatë dhe të qëndrueshme”, tha Chen Zhen, një deputet i AKP-së nga grupi etnik Dong në Rajonin Autonom Guangxi-Zhuang të Kinës Jugore.

Hartimi i ligjit, i iniciuar në vitin 2023, para se të kalonte nëpër konsultime të gjera ka ndjekur parimin e promovimit në terrene të përbashkëta, duke respektuar dhe duke akomoduar dallimet.

Duke synuar aktet që shkatërrojnë unitetin etnik, drafti përcakton që terrorizmi i dhunshëm, separatizmi etnik dhe ekstremizmi fetar do të përballen me përgjegjësi penale nëse përbëjnë krime.

Tursun Ebey, një profesor i asociuar në Universitetin e Xinjiangut, tha se uniteti etnik përbën “litarin e jetës së të gjitha grupeve etnike në Xinjiang”.

“Kjo mbrojtje ligjore e unitetit etnik, do të ofrojë një ndjenjë më të madhe sigurie dhe do të na lejojë të përqendrohemi në ndjekjen e zhvillimit”, tha ai.

Burimi CGTN