Në kuadër të Ditës Kombëtare të Rinisë, sot në ambientet e Piramidës së Tiranës zhvillohen një sërë aktivitetesh dedikuar krijimtarisë dhe energjisë së brezit të ri.

Ministri i Turizmit, Kulturës dhe Sportit, Blendi Gonxhja – një nga studentët e Dhjetorit ’90 – ftoi qytetarët dhe të rinjtë të bëhen pjesë e këtyre organizimeve, duke ndarë në rrjetet sociale momente përkujtimore nga lëvizja studentore e vitit 1990.

Agjencia Kombëtare e Rinisë ka parashikuar aktivitete të ndryshme që shtrihen nga hapësira kreative dhe diskutime tematike, te performanca artistike dhe eksperienca multimediale imersive, ku theksi vihet te krijimtaria, pjesëmarrja aktive dhe bashkëpunimi ndërmjet të rinjve.

8 Dhjetori, i shpallur si Dita Kombëtare e Rinisë, përkujton lëvizjen studentore të vitit 1990, e cila shënoi fillimin e ndryshimeve demokratike në vend.