Rezultati paraprak i zgjedhjeve në 5 bashkitë ku sot po votohet për zgjedhjen e kryebashkiakëve të rinj pritet të dalë mesditën e së hënës.

Kështu konfirmoi sot në një komunikim me gazetarët, Komisioneri Shtetëror i Zgjedhjeve, Ilirjan Celibashi.

I pyetur mbi shpalljen e rezultatit të zgjedhjeve në 5 bashkitë, Celibashi tha se “maksimumi në mesditën e ditës së nesërme do të jetë përfundimi i procesit të numërimit në 5 bashkitë”.

“Qartazi varet nga pjesëmarrja, por nëse pjesëmarrja do të jetë pak a shumë ajo e vitit 2023 me shumë mundësi do ta përfundojmë procesin e numërimit në mesin e ditës së hënë”, shtoi ai.

Burimi ATSH