Fshati Rrjoll në Velipojë të Shkodrës, i ndodhur mes lagunës, malit dhe detit, ofron një bukuri natyrore të rrallë.

Vitet e fundit plazhi i Rrjollit, me rërë të pastër e kurative, si dhe me ujin kristal është kthyer ndër më preferuarit për pushuesit.

Kryeministri Edi Rama ndau sot në rrjetet sociale pamje nga perëndimi magjik në Rrjoll të Velipojës, teksa dielli largohet ngadalë pas horizontit dhe duke pasqyruar në detin e kaltër nuancat e tij.

Plazhi i Rrjollit, që deri para pak vitesh njihej vetëm nga vendasit, tani po kthehet në një prej destinacioneve më të frekuentuara të Shkodrës gjatë verës.

Në juglindje të Velipojës, shtrihet një fshat i bukur dhe kryesisht i panjohur, Boks-Rrjoll, i cili së bashku me plazhin e tij të virgjër me ujërat e kristalta dhe rërën e mbushur me jod, e bëjnë këtë zonë të lakmueshme nga turistët.

Plazhi i Rrjollit ka një shtrirje prej 4 km në një zonë me pyll e duna të vogla rëre. Plazhi i “strukur”, deri para pak kohëve i shfrytëzuar vetëm nga banorët e këtij fshati, vitet e fundit është kthyer në përzgjedhje të mirëfilltë të pushuesve.

Burimi ATSH