Ambasadori i Spanjës në Shqipëri, Gabriel Cremades Ventura deklaroi sot, se, qeveria shiqptare ka bërë përpjekje të përgëzueshme për krijimin e forcimin e Nanobalkans, qendra rajonale për nanoteknologjinë.

Në fjalën e tij në Kongresin Ndërkombëtar të Nanoteknologjisë, një hapësirë dialogu dhe mundësish të reja, të mbajtur në Tiranë, Ventura u shpreh se, “gjatë dekadave të shkuara nanoteknologjia ka evoluar dhe është shndërruar në një forcë vërtetë transformuese. Kemi parë ndikimet e saj në të gjithë sektorët nga mjekësia tek energjia, tek shkenca materiale dhe elektronika si edhe qëndrueshmëria mjedisore”.

Kjo konferencë, shtoi, “është një pasuri për marrëdhëniet tona dypalëshe dhe po kështu një shembull i qartë i bashkëpunimit tonë në terma konkretë”.

“Është po kështu një dëshmi e rolit të rëndësishëm të Spanjës, jo vetëm për organizimin e këtij evenimenti, por po kështu çka është më e rëndësishme, për kontributet thelbësore”, tha ambasadori.

“Përmes seminareve bashkëpunuese midis Shqipërisë, Japonisë dhe Spanjës për nanoteknologjinë dhe e dyta midis Shqipërisë, Italisë dhe Spanjës për nanomjekësinë dhe pjesëmarrjen e 33 studiuesve spanjollë, që ju siguroj që do të pasurojnë debatet akademike me perspektivat e tyre, gjithmonë në frymën e partneritetit”, u shpreh Ventura.

Ai theksoi se, “Instituti i Nanoshkencës dhe Nanoteknologjisë së Barcelonës drejtuar, nën mendimin vizionar të profesor Arben Merkoçit, që është në fakt shembull i ekselencës në kërkimin në nanoteknologji, në fakt është i rëndësishëm për krijimin e kësaj qendre që është Nanobalkans, që është qendra rajonale për nanoteknologjinë”.

Ambasadori shtoi se, “në këtë kontekst Shqipëria po kështu ka dëshmuar angazhimin e saj të jashtëzakonshëm për të arritur në këtë të ardhme, jo vetëm si nevojë, por si përparësi”.

“Përpjekjet e qeverisë për të modernizuar administratën publike, gjithashtu edhe shërbimet, përmes shërbimeve elektronike, e po kështu edhe ekonominë, janë vërtetë të përgëzueshme. Ashtu siç është e përgëzueshme mbështetja e qeverisë shqiptare dhe kryeministrit Rama për krijimin e forcimin e Nanobalkans, qendra rajonale për nanoteknologjinë, e cila flet më shumë sesa një mijë fjalë për angazhimin për të investuar në shkencë, inovacion dhe sidomos në nanoteknologji, si një mjet i fuqishëm për rritje dhe përparim”, tha ambasadori spanjoll.

Burimi ATSH