kuadër të Javës së Demokracisë, Prezenca e OSBE-së në Shqipëri zhvilloi një aktivitet në Tropojë, ku mori pjesë edhe kryetari i Prezencës, ambasadori Michel Tarran.

Aktiviteti i OSBE-së, i organizuar në bashkëpunim me KQZ-në synon nxitjen e të rinjve për pjesëmarrje në proceset zgjedhore në Shqipëri.

Në aktivitet, morën pjesë të rinj dhe gjimnazistë nga shkolla të mesme në Tropojë.

Në një njoftim për mediet, OSBE cilëson se “një demokraci e shëndetshme do të thotë që zëri i çdo qytetari të dëgjohet. Prandaj ne përqendrohemi te pjesëmarrja e të rinjve në zgjedhje dhe rëndësia e votës si një mjet për të ndikuar në vendimmarrje”.

Sipas OSBE-së, takimi i karakterizuar nga një pjesëmarrje aktive e të rinjve përfshiu edhe diskutime të hapura dhe një simulim praktik të votimit duke ofruar një përvojë argëtuese dhe edukative mbi fuqinë e votës.

Burimi ATSH