Besimtarët katolikë kremtojnë sot festën e Pashkës, ringjalljen e Jezu Krishtit, një nga momentet më të rëndësishme në kalendarin e festimeve për besimtarët katolikë.

Kryeministri Edi Rama përcolli urimin për gjithë besimtarët katolikë përmes një videoje të krijuar me inteligjencë artificiale.

“Gëzuar Ditën e Re”, shkruan Kryeministri, krahas videos së veçantë të urimit.

Të gjithë besimtarët katolikë kremtojnë sot festën e Pashkës, ringjalljen e Jezu Krishtit, ndodhur sipas Besëlidhjes së Re, tri ditë pas kryqëzimit dhe vdekjes së tij në kryq.

Pashka nuk është vetëm një traditë fetare, por një thirrje universale për rinovim shpirtëror dhe për një qasje më njerëzore ndaj jetës.

Mesazhi i ngjalljes së Jezu Krishtit simbolizon mundësinë për një fillim të ri edhe pas vështirësive më të mëdha.

Pashkët paraprihen nga koha parapërgatitore e agjërimit që zgjat 40 ditë që quhen Kreshmë që fillon nga e “Mërkura e Përhime”, dhe mbaron të dielën e Palmave, e diela e fundit para ditës së Pashkës.

Gjatë kohës së Kreshmës, përkujtohen ditët e kaluara në shkretëtirë të Krishtit në lutje e agjërim.

Burimi ATSH