Kryetarja e Kuvendit, Elisa Spiropali shprehu sot mirënjohje për çdo përpjekje dhe sakrificë të zjarrfikësve në këto ditë të vështira kur vendi u përball me situatë kritike të zjarreve të favorizuar nga temperaturat e larta.

Aktualisht, nga 54 vatra, sot kanë mbetur vetëm 3 aktive.

Spiropali në një postim në rrjetet sociale shprehu respekt për të gjithë ata që luftojnë çdo ditë me flakët.

“Në veri, sot që prej orëve të para të mëngjesit angazhimi është ende maksimal: 6 helikopterë janë në mision për shuarjen e çdo vatre”, theksoi kryetarja e Kuvendit.

“Le të shpresojmë për dëme sa më të pakta dhe të kuptojmë njëherë e mirë: zjarret e qëllimshme janë krim ndaj jetës dhe natyrës. Një shkëndijë mjafton për të kthyer gjithçka në hi”, apeloi Spiropali.