Drejtoresha e platformës e-Albania, Nevila Repishti, mori pjesë në Konferencën “Towards a Simple Single Market”, të organizuar nga Komisioni Evropian në kuadër të iniciativës Digital Building Blocks në Bruksel.

Në një njoftim të Agjencisë Kombëtare të Shoqërisë së Informacionit (AKSHI), thuhet se në vazhdën e përpjekjeve për modernizimin e shërbimeve publike elektronike në Shqipëri dhe garantimin e ndërveprimit ndërkufitar, kjo konferencë përbën një mundësi të vlefshme për shkëmbim përvojash dhe për harmonizim me praktikat më të mira evropiane mbi parimin “once only” dhe shkëmbimin pa dokumente fizike mes administratave.

“Për Shqipërinë, si lidere në rajon në ofrimin e shërbimeve publike elektronike, hapi i radhës është i natyrshëm: të bëhet pjesë aktive e platformave digjitale të Bashkimit Evropian dhe të kontribuojë në ndërtimin e një hapësire digjitale të integruar dhe të orientuar drejt qytetarit në nivel evropian”, cilësohet në njoftim.

Burimi ATSH