Struktura e Posaçme kundër Korrupsionit dhe Krimit të Organizuar publikoi sot të dhënat statistikore për materialet kallëzuese që lidhen me krimet zgjedhore deri më datë 5 maj.

SPAK bëri të ditur se janë regjistruar 115 materiale kallëzuese, ku përfshihen: kallëzime nga subjekte politike; referime nga Policia e Shtetit, raste të iniciuara kryesisht nga Struktura e Posaçme kundër Korrupsionit dhe Krimit të Organizuar, denoncime nga Platforma Online si dhe denoncime nga qytetarët.

Materialet kallëzuese nga subjektet politike janë 25, njofton SPAK, teksa në platformën online kanë mbërritur 35 materiale kallëzuese

Gjithashtu janë janë regjistruar 35 procedime penale dhe nga këto procedime, 8 prej tyre janë të regjistruara kryesisht – të iniciuara nga SPAK.

Burimi ATSH