Kreu i Partisë Demokratike, Sali Berisha u shpreh sot gjatë takimit përmbyllës të fushatës së zgjedhjeve të 11 majit në Mirditë se qeverisja e ardhshme do bëjë çdo gjë që të jenë qytetarët e Mirditës që të përfitojnë të parët me rentën e mineraleve.

Duke përsëritur premtimet për taksën 10 % dhe uljen e energjisë në 6 lekë, Berisha tha se suskesi I biznesit është punësim.

“Garantoj të rinjtë se qëllimi ynë më madhor, është rikthimi i kombit në moshën e rinisë së tij. Ndaj dhe do të dyfishojmë shpenzimet për arsimin, hiqet mesatarja.

Përfundimi i universiteteve do bëhet çdo gjë që të punësohen. Qeveria do paguajë sigurimet e tyre shëndetësore”, tha Berisha.

“Prova jonë është të rikthejmë qindra mijëra të rinj që u larguan nga Shqipëria. Të rikthejmë mirditorët ku janë e ku nuk janë dhe shqiptarët, që të vijnë të ndërtojnë ëndrrën në Shqipëri”, u shpreh Berisha.

Ai premtoi 5 vite pa asnjë taksë për çdo shqiptar që kthehet nga mërgimi, kredi të buta për strehim, grante dhe kredi për strehimin e tyre.

“Ajo çka unë kërkoj nga çdo mirditore dhe mirditor, nga çdo shqiptare dhe shqiptar, kërkoj 100 ditë, vetëm 100 ditë”, vijoi Berisha.

“Kërkojmë 100 ditë për të vendosur kartën e konsumatorit. Kërkojmë 100 ditë për të vendosur listën e Republikës Italiane për rimbursimin e ilaçeve në Shqipëri.

Kërkojmë 100 ditë për të vendosur rrogën minimale 500 euro. Kërkojmë 100 ditë për të ulur energjinë elektrike nga 8.5 lek, në 7 lek për qytetarin. Për të ulur energjinë elektrike nga 18 lek në 6 lek për biznesin”, u shpreh Berisha.

Burimi ATSH