Kryeministri Edi Rama inspektoi sot kantierin e shëtitores së re të Tushemishtit, e cila ka hyrë në fazën përfundimtare të punimeve.

Kryeministri vlerësoi se “ky është një projekt transformues që do të rrisë ende më shumë fuqinë tërheqëse të Pogradecit turistik”.

Po ashtu, Rama theksoi se ky projekt do të rrisë edhe vlerën e pasurive të patundshme të banorëve të qytetit poetik të Lasgushit.