Shërbimet e Kujdesit Shëndetësor në Banesë vijojnë të zgjerohen në të gjithë vendin, duke u ardhur në ndihmë kryesisht të moshuarve dhe pacientëve kronikë që e kanë të vështirë të paraqiten në qendrat shëndetësore.

Ministrja e Shëndetësisë dhe Mbrojtjes Sociale, Albana Koçiu ka theksuar sot se “ky program po shtrihet në 36 Njësitë Vendore të Kujdesit Shëndetësor dhe 356 qendra shëndetësore, duke mundësuar mbi 58,700 vizita dhe procedura vetëm gjatë vitit 2024, për rreth 5,200 pacientë”.

Ministrja Koçiu ka përcjellë me anë të një postimi në rrjetet sociale, historinë e të moshuarës Lirie Tasha që prej 10 vitesh merr Shërbimin Shëndetësor në Banesë në Durrës, nga ambulanca ST.Zotkenik Xhafzotaj.

“Falë këtij shërbimi, ajo ka siguruar kujdesin e nevojshëm pa pasur nevojë të largohet nga shtëpia”, thotë Koçiu.

“Përkujdesja jonë ka qenë maksimale, sistematikisht e kemi vizituar në çdo dy javë në shtëpi dhe e kontrolluar. E moshuara ka rreth 10 vjet që kurohet brenda skemës së rimbursimit, ndërsa si nënë Liria marrin shërbim 25 pacientë në ambulancën tonë”, shprehur mjeku i ambulancës ST.Zotkenik Xhafzotaj.

Djali i të moshuarës shprehet se stafi mjekësor vjen çdo 10-15 ditë për të vizituar nënën e tij, me përkushtim maksimal.

“U kemi telefonuar edhe në 12 të natës dhe na janë përgjigjur”, thotë ai.