Ministri i Drejtësisë, Ulsi Manja zhvilloi sot një takim me Randis Davis, shefen e re të UNDP në Shqipëri.

Manja i uroi mirëseardhjen dhe e falënderoi për mbështetjen që UNDP ofron në rritjen e aksesit në drejtësi dhe forcimin e ndihmës juridike falas për qytetarët.

Në takim gjithashtu u diskutua për projektin e ri të ngritjes së sistemit elektronik të ndihmës juridike falas dhe nisjen e punës për hartimin e një Strategjie Kombëtare për Ndihmën Juridike Falas.

Ndihma juridike falas ka si qëllim akses të barabartë të të gjithë individët në sistemin e drejtësisë; të sigurojë mirorganizimin, miradministrimin dhe mirëfunksionimin e institucioneve shtetërore përgjegjëse për administrimin e ndihmës juridike; të sigurojë ofrimin e shërbimeve të ndihmës juridike në mënyrë profesionale, cilësore, eficiente dhe efektive.