Drejtuesi politik i Partisë Socialiste në Vlorë, Bledi Çuçi foli sot nga zyra e hapur në Atikën veriore në Athinë, që do të shërbejë për të ndihmuar në regjistrimin e votuesve për qarkun Vlorë në listën e Diasporës për zgjedhjet e 11 majit 2025.

“ Njerëzit tanë janë në dispozicion për të orientuar votuesit e qarkut Vlorë e këdo që ka nevojë për ndihmë e për të lehtësuar këtë proces historik. Kushdo që nuk e kryen dot vetë regjistrimin në faqen e KQZ le të paraqitet në këto zyrat për asistencë”, shprehet Çuçi në një postim në rrjetet sociale.

Procesi i regjistrimit të votuesve shqiptarë që jetojnë jashtë vendit, për zgjedhjet e 11 majit do vazhdojë deri në 4 mars përmes Platformës Elektronike të Regjistrimit (PER).

Burimi ATSH