Fëmijët e Qendrës së Zhvillimit në Shkodër zhvilluan sot një panair artizanal si dhe aktivitete festive në kuadër të festave të fundvitit.

Kryetari i bashkisë së Shkodrës, Benet Beci u bë sot pjesë e këtyre aktiviteteve, ndërsa nënvizoi rëndësinë e mbështetjes së këtyre fëmijëve.

“Ata më befasuan me gjallërinë dhe pozitivitetin e tyre. Punimet e tyre fantastike, po edhe energjia që ata japin janë një mesazh për të gjithë ne që duhet të bëjmë më shumë për këtë kategori”, tha Beci.

Beci përgëzoi njëkohësisht stafin e këtij institucioni rezidencial për përkujdesjen dhe punën humane që bëjnë çdo ditë.

(ATSH)