Nxënësit e shkollave në të gjithë vendin kanë festuar këto ditë festën e Pavarësisë me aktivitete të shumta.

Ministrja e Arsimit dhe Sportit, Ogerta Manastriliu ndau sot në rrjetet sociale momente nga aktivitetet e organizuara në shkolla, ku nxënësit të veshur me veshje popullore dhe kuq e zi kanë festuar 112-vjetorin e Pavarësisë.

“Dita e Pavarësisë në sytë e nxënësve të talentuar të shkollave tona” , shkruan Manastirliu.

Në të gjithë vendin festohet sot 112-vjetori i shpalljes së Pavarësisë. Më 28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur.

(ATSH)