Kryeministri Edi Rama deklaroi sot se “përtej të gjitha polemikave të brendshme Raporti i Progresit 2024 për Shqipërinë bën një vlerësim të lartë të zbatimit të reformës në drejtësi”.

Në konferencën e përbashkët për shtyp me ambasadorin Gonzato, Rama tha se “në raport theksohet se kjo reformë ka çuar në përmirësime të ndjeshme në funksionimin e drejtësisë në vend”.

“Patjetër që, siç theksoi edhe ambasadori, ka pika të caktuara që duhen adresuar dhe ka ende boshllëqe që duhen mbushur, me shumë të drejtë”, theksoi Rama.

Kryeministri Rama u shpreh se “në këndvështrimin tim, Komisioni Europian përmes këtij raporti vlerëson punën e SPAK, e dëgjuat nga ambasadori në përmbledhjen e tij vazhdimësinë e rezultateve, avancimin më tej në ndjekjen përmes hetimeve të thelluara të rasteve komplekse të korrupsionit përfshirë edhe ato në lidhje me profile të larta politike dhe zyrtare”.