Kryeministri Edi Rama është nisur këtë të premte drejt Pragës, ku do të marrë pjesë në edicionin e 19-të të GLOBSEC.

Forumi GLOBSEC, më i madh i sigurisë, për herë të parë në historinë e tij 19-vjeçare, do të mbahet në Çeki.

Nga 30 gushti deri më 1 shtator, dhjetëra udhëheqës dhe ekspertë do të diskutojnë çështjet kritike për sigurinë dhe mbrojtjen.

Një pikë qendrore e konferencës është roli i NATO-s në arkitekturën më të gjerë evropiane të sigurisë. Konferenca vendos rendin evropian të sigurisë në kontekstin global dhe sugjeron nevojën për të marrë parasysh rivalitetin në rritje të fuqive të mëdha dhe rolin e Kinës në kuptimin e zhvillimeve të sigurisë në kontinentin evropian.

(ATSH)