Në Aeroportin Ndërkombëtar “Nënë Tereza” u shënua një rekord sa i përket numrit të pasagjerëve që kanë hyrë në vendin tonë në muajin korrik.

Kryeministri Edi Rama në një postim në rrjetet sociale tha se “vetëm në muajin korrik numri i hyrjeve në Shqipëri i kaloi 1 milion dhe hynë më shumë pasagjerë se sa erdhën në të gjithë vitin 2013, duke na dhënë një tregues kuptimplotë të transformimit epokal të Shqipërisë turistike në harkun e një dekade”.

Sipas shifrave të publikuara nga kryeministri Rama në korrik të këtij viti në aeroport hynë 1.191.182 pasagjerë, ndërsa në korrik të 2023 834.113 pasagjerë.

Në janar-korrik kanë hyrë 5.982 .066 pasagjerë, ndërsa në janar-korrik 2023 kanë hyrë 3.723.613 pasagjerë, pra shtatëmujori i 2024 ka shënuar 1.113.908 hyrje më shumë.

Në videon e publikuar nga Rama, turistë nga vende të ndryshme shprehi opinionet dhe mbresat e tyre nga udhëtimi në Shqipëri.

“Njerëzit ishin shumë miqësorë, ndihmonin shumë, udhëtuam nëpër të gjithë vendin me taksi me autobus . Ishte fantastike, Ishim në Berat, Gjirokastër, në plazh në Himarë, Sarandë dhe po ashtu në Theth në veri. Ishte i mahnitshëm Syri i Kaltër .

Ajo tha se “do të kthehem sërish dhe patjetër që do tu tregojmë edhe njerëzve të tjerë në Holandë. Ju i keni të gjitha, keni malet dhe ujin” .

Një tjetër turist shprehet se “ishte një eksperiencë magjepsëse kisha udhëtuar edhe më parë në Europën Lindore dhe pak a shumë e dija çfarë do të gjeja. Por u befasova nga shumë gjëra , sa miqësorë janë shqiptarët , sa mikpritës. Është një vend i mrekullueshëm dhe entuziazmues për t’u vizituar”.

Pak si shumë nxehtë për anglezët, po nuk ankohem dot e përballoj. do të kthehem në Vlorë ku qëndruam dhe patjetër që do të kthehem në Tiranë ta eksploroj si duhet kur të mos jetë kaq nxehtë.

Një vajzë e re shprehet se ka qenë në Himarë me pushime.

“Ishte mahnitëse. Uji është kaq i pastër ishte edhe më i mirë se në Greqi”, tha ajo.

Një tjetër turiste tregon se “isha në veri dhe në jug të Shqipërisë. Kalova 21 ditë duke udhëtuar në të gjithë vendin. Veriu, Lugina e Valbonës, pastaj ngjitja në shtegun Valbonë-Theth ishte i vështirë, por shumë i bukur. Edhe plazhi më pëlqeu shumë”. (ATSH)