Pas 12 javësh teori, praktikë dhe workshop, konkursi “RoboTECH në COD”, një bashkëpunim i Qendrës për Hapje dhe Dialog me Universitetin Metropolitan të Tiranës, ka mbyllur siparin duke shpallur gjimnazet fituese në një ceremoni që bëri bashkë emra të njohur të botës akademike, polikëbërjes, inovacionit dhe medias, në një event kushtuar krejtësisht të rinjve të qarkut Tiranë, të apasionuar pas robotikës.

Ministri i Ekonomisë, Kulturës dhe Inovacionit, Blendi Gonxhja bën me dije se ky ishte një konkurs i mbushur me emocione mes gjimnazistëve që iu bashkuan finales së madhe të shokëve.

Mes shumë prototipëve cilësorë, gjimnazi “Ismail Qemali” fitoi vendin e parë duke marrë çmimin nga Fondacioni “Dritan Hoxha” të cilin e ndau me grupin fitues Ledion Liço. Ndërkohë, përfaqësuesi i EU4Innovation Gerti Rrotani, mbështeti vendin e parë me një udhëtim në “Gamescom” që zhvillohet në Këln, Gjermani.

Në vend të dytë gjimnazi “Andon Zako Çajupi” mori çmimin nga Universiteti Metropolitan Tirana të cilin e ndau Arjan Cukaj, president i UMT.

Vendin e tretë e fitoi gjimnazi “Sami Frashëri”, nxënësit e të cilit morën dhurata nga kompania inTech përfaqësuar nga Ardit Gavani.

“Çmimi i Publikut” nga votat që u mblodhën gjatë ekspozitës së robotëve në mjediset e COD i shkoi gjimnazit “Ibrahim Rugova”, Kamëz.

Gjimnazistët morën çmime si:

“Best Innovators Team” – Gjimnazi “Ibrahim Rugova”, Kamëz;

“Best Creative Team” – Gjimnazi ”Kristaq Rama”, Tiranë;

“Best Team” – Gjimnazi ”Partizani”, Tiranë;

“Best Wonder Team” – Gjimnazi ”Besnik Sykja”, Tiranë;

“Best Green Team” – Gjimnazi ”Petro Nini Luarasi”, Tiranë;

“Best Social Robot” – Gjimnazi ”Qemal Stafa”, Tiranë.

“Çmimi i Imazhit” dhe “Çmimi Piramida” u fituan nga gjimnazi “Ismail Qemali” Tiranë.

Të gjithë gjimnazistët të cilët ishin pjesë e konkurrimit përfitojnë 100% bursë në Universitetin Metropolitan Tirana.

Gonxhja shprehet se MEKI nxit të gjitha moshat, entet, organizatat, grupet e komunitetet që sjellin e gjenerojnë ide, që investohen për krijime, shpikje, me vizionin për t’iu bashkuar sfidave inovative.

(ATSH)